İntihara cəhdin qarşısı alındı

Bu gün Fövqəladə Hallar Nazirliyinin “112” qaynar telefon xəttinə Bərdə şəhərində bir nəfərİN yeddimərtəbəli binanın dam örtüyünə qalxaraq intihar etmək niyyətini nümayiş etdirməsi barədə məlumat daxil olub. Lent.az nazirliyin saytına istinadən xəbər verir ki, dərhal hadisə yerinə müvafiq xilasetmə qüvvələri cəlb olunub. Qarabağ Regional Mərkəzinin xilasediciləri tərəfindən aparılmış psixoloji söhbət nəticəsində vətəndaş fikrindən daşındırılaraq aşağı endirilib və aidiyyəti üzrə təhvil verilib. Əməliyyat saat 17:40-da başa çatıb.