İçərişəhərdə qətl törədilib. Bakı şəhər Baş Polis İdarəsindən APA-ya verilən məlumata görə, hadisə ötən gecə qeydə alınıb. Bakı şəhər sakini Tərlan Sultanov naməlum şəxs tərəfindən bıçaqlanaraq qətlə yetirilib. Daxili İşlər Nazirliyinin Baş Cinayət Axtarış İdarəsi, Bakı şəhər Baş Polis İdarəsinin Cinayət Axtarış İdarəsi və Səbail rayon Polis İdarəsi əməkdaşlarının keçirdiyi birgə tədbirlər nəticəsində hadisəni törədən Ağamirzə Əlizadə tutulub. Faktla bağlı cinayət işi başlanıb, istintaq gedir.
Lent.az-ın məlumatına görə, A.Əlizadə ilkin ifadəsində bildirib ki, hadisəni mübahisə zəmində törədib. Saxlanılan şəxsin sözlərinə görə, T.Sultranov söyüş söyüb və buna görə də üzərindəki bıçaqla ona zərbələr vuraraq öldürüb. Araşdırmalar davam etdirilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
