Həştərxan qubernatoru Bakıya gəlib

Bakı-2015 Birinci Avropa Oyunlarının açılış mərasimində iştirak etmək üçün Həştərxan vilayətinin qubernatoru Aleksandr Jilkinin rəhbərlik etdiyi nümayəndə heyəti Bakıya gəlib.

Lent.az-ın məlumata görə, səfər çərçivəsində Həştərxan nümayəndə heyəti müxtəlif idman növləri üzrə yarışları, xüsusilə də Həştərxan idmançılarının da daxil olduğu Rusiya yığmasının qatıldığı yarışları izləyəcəklər.

Qeyd edək ki, bütün Rusiyada olduğu kimi Həştərxan vilayətində Bakıda keçirilən Avropa Oyunları böyük maraqla qarşılanır və dəstəklənir. Belə ki, Bakı-2015 I Avropa Oyunlarına dəstək kampaniyası çərçivəsində Həştərxan şəhərində bu Oyunların açılış mərasimi ərəfəsində dəstək aksiyası keçirilib.