Göygöldə yanğın hadisəsi qeydə alınıb.
Lent.az-ın Fövqəladə Hallar Nazirliyinin (FHN) saytına istinadən verdiyi xəbərə görə, Göygöl rayonu, Qızılqaya qəsəbəsində vətəndaşa məxsus ümumi sahəsi 2004 kv.m olan atçılıq fermasının dam örtüyünün yanar konstruksiyaları 4 kv.m sahədə, yaxınlıqda dayanmış “Ford” mikroavtobusun mühərrik hissəsi, 2 ədəd təkər və avtomobilə yaxın məsafədə yığılmış 40 ton ot bağlamasının 10 tonu yanıb.
Yanğın zamanı fermanın içərisindən 30 baş cins atlar yanğınsöndürənlər tərəfindən xilas olunub. Fermanın, mikroavtobusun və ot bağlamasının qalan hissəsi yanğından mühafizə olunub. Yanğın saat 20:00-da yanğınsöndürənlər tərəfindən söndürülüb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
