Göygöldə bir nəfər ehtiyatsızlıqdan dərəyə yuvarlanıb

Göygöl rayonunda 1 nəfər dərəyə düşərək orada köməksiz vəziyyətdə qalıb. Lent.az-ın Fövqəladə Hallar Nazirliyinin saytına istinadən verdiyi xəbərə görə, bu barədə FHN-nin “112” qaynar telefon xəttinə məlumat daxil olub. Dərhal Fövqəladə Hallar Nazirliyinin müvafiq xilasetmə qüvvələri hadisə yerinə cəlb olunub. Əməliyyat şəraiti qiymətləndirilərkən məlum olub ki, vətəndaş ehtiyatsızlıqdan dərəyə yıxılıb və müxtəlif dərəcəli bədən xəsarətləri alıb. Xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə zərərçəkmişi dərədən çıxarıb və aidiyyatı üzrə təhvil verib. Əməliyyat saat 16:52-də başa çatıb.