Gəncədə yaşayış binasında güclü yanğın baş verib

Gəncədə üçmərtəbəli yaşayış binasında güclü yanğın baş verib.

APA-nın qərb bürosunun məlumatına görə, yanğın Şəddadilər 117/ 18 ünvanında yaşayan Səbuhi Pirxadəzimovun ikiotaqlı mənzilində qeydə alınıb.

Alov eyvandan mətbəxə keçib. Yanğın zamanı eyvan, mətbəxin yanar konstruksiyaları və əşyaları yanaraq külə dönüb. Yanğın qonşu mənzilin eyvanında keçib.

Hadisə yerinə Gəncə şəhər YMH-nın canlı qüvvəsi və 6 avtomobili cəlb edilib. Yanğın yanğınsöndürənlər tərəfindən söndürülüb. Hadisə nəticəsində 36 kv.m mənzilin 12 kv.m yanıb. Yanğın zamanı evdə olan ailə üzvləri xəsarətsiz ötüşüblər.

Hazırda hadisənin baş vermə səbəbləri araşdırılır.