FHN-in 16 əməkdaşı nöqsanlara görə işdən azad edilib

“Bu ilin 11 ayı ərzində nizam-intizam qaydalarının pozulması və digər qanunazidd əməllərə yol verdiklərinə görə Fövqəladə Hallar Nazirliyinin 68 əməkdaşı barədə tədbirlər görülüb”.

APA-nın məlumatına görə, bunu bu gün Fövqəladə Hallar Nazirliyinin (FHN) yaradılmasının doqquzuncu ildönümü və nazirlik sistemi işçilərinin peşə bayramı ilə əlaqədar keçirilən mərasimdə fövqəladə hallar naziri, general-polkovnikKəmaləddin Heydərov söyləyib.

K. Heydərov bildirib ki, 16 nəfər xidmətdən xaric edilib, 52 əməkdaş barəsində digər intizam tənbeh tədbiri görülüb, 3 əməkdaşa isə xəbərdarlıq edilib.