İyunun 3-də axşam saatlarında Quba şəhərində 2 mərtəbəli yaşayış evi yanıb.
Hadisə Quba şəhərinin Ağamalı küçəsində İsazadə Raqib Fikrət oğluna məxsus 2 mərtəbəli yaşayış evində baş verib. APA-nın şimal bürosu xəbər verir ki, evin 2-ci mərtəbəsində yaranan alov qısa zamanda bütün binanı bürüyüb. Dərhal əraziyə FHN-nin Quba Dövlət Yanğından Mühafizə Hissəsinin 2 yanğınsöndürən maşını və canlı qüvvəsi cəlb olunub. 2 saat ərzində alov tam söndürülüb. Yanan evdə, evin sahibi 1963-cü il təvəllüdlü İsazadə Bəsti Raqib qızının cəsədi tapılıb. Onun yanaraq dünyasını dəyişdiyi bildirilir. Binanın birinci mərtəbəsinin bir hissəsi yanğından mühafizə olunsa da, qalan hissələr içindəki avadanlıqla birlikdə yanıb. İlkin ehtimala görə, yanğın elektrik xətlərində yaranan qısaqapanma nəticəsində baş verib.
Hazırda fakt araşdırılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
