Donetskdə "Qırmızı Xaç"ın nümayəndəsi həlak oldu

Beynəlxalq Qırmızı Xaç Komitəsinin (BQXK) nümayəndəsi, İsveçrə vətəndaşı Ukraynanın Donetsk şəhərinin mərkəzinin atəşə tutulması zamanı həlak olub. Lent.az-ın APA-ya istinadən verdiyi xəbərə görə, bu barədə qondarma “Donetsk Xalq Respublikasının” nümayəndəsi bildirib.

Hadisə yerində olan xilasedicilərdən biri “Frans Press”ə bu məlumatı təsdiqləyib.

Hadisədən sonra BQXK-nın “Tvitter” səhifəsində belə bir yazı dərc olunub: “Bizim Ukraynanın Donetsk şəhərindəki ofisimizdə faciəvi insident baş verib. Biz faktları araşdırırıq”.

Bundan əvvəl, Aİ Donetskin mərkəzində yenidən başlayan atışma ilə bağlı narahatçılığını bildirib.