DİN deputat köməkçisinin öldüyü qəza ilə bağlı məlumat yaydı

Daxili İşlər Nazirliyi millət vəkili Fəzail Ağamalının köməkçisinin öldüyü qəza ilə bağlı məlumat yayıb.

Lent.az-ın nazirliyinin saytına istinadən məlumatına görə, avqustun 11-də saat 11 radələrində Salyan rayonunun Xıdırlı kəndində Neftçala rayon sakinləri Əli Rəsulovun idarə etdiyi “QAZ-3302” (yük) və Ulduz Sadıqovun idarə etdiyi “Opel” markalı avtomobillər toqquşub. Nəticədə U.Sadıqovun sərnişinlərindən Həsənbala Həsənov hadisə yerində ölüb, digər 2 sərnişin xəstəxanaya yerləşdirilib.

BDYPİ tərəfindən araşdırma aparılır.