Dənizdə batan şəxs xilas edildi

Bakıda dənizdə çimərkən batmaq təhlükəsi üzləşən bir nəfər xilas edilib.

Lent.az-ın FHN-in saytına istinadən xəbərinə görə, Nazirliyin Dövlət Sularda Xilasetmə Xidmətinə Bakı şəhəri, Səbail rayonunda 1 nəfərin dənizdə çimərkən batmaq təhlükəsi ilə üzləşməsi barədə məlumat daxil olub.

Dərhal Xidmətin xilasediciləri hadisə yerinə cəlb olunaraq vətəndaşı sudan çıxarmış və aidiyyati üzrə təhvil verib. Əməliyyat saat 13:15-də başa çatıb.