Balakəndə çörək sexində yanğın olub. Fövqəladə Hallar Nazirliyinin (FHN) Balakən rayon Yanğından Mühafizə Hissəsindən (YMH) APA-nın Şəki-Zaqatala bürosuna verilən məlumata görə, yanğın bu gün günorta saatlarında Balakən rayonu, Qasbinə kəndində Soltanov Əziz Kamil oğluna məxsus, ümumi sahəsi 150 kvadratmetr olan çörək bişirmə sexində qeydə alınıb. Hadisə yerinə FHN-nin Balakən rayon YMH-nin texnikası və canlı qüvvəsi cəlb edilib. Baş vermiş yanğın nəticəsində çörəkbişirmə sexinin dam örtüyünün yanar konstruksiyaları 9 kv.m sahədə yanıb. Yanğınsöndürənlərin səyi nəticəsində sexin qalan hissəsi yanğından mühafizə olunub. Faktla bağlı FHN-in Balakən rayon YMH-də araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
