Ceyranbatanda traktor yandı

Abşeron rayonu, Ceyranbatan qəsəbəsində hazırda fəaliyyət göstərməyən beton zavodun ərazisində dayanmış, vətəndaşa məxsus “BELARUS” markalı traktorun yanar hissələri, hər biri 150 m olan 5 ədəd çarxa dolanmış kabel və 60 kv.m sahədə quru ot yanıb. Lent.az-ın Fövqəladə Hallar Nazirliyinin saytına istinadən verdiyi xəbərə görə, yaxınlıqdakı tikililər yanğından mühafizə olunub. Yanğın saat 16:17-də yanğınsöndürənlər tərəfindən söndürülüb.