Cəlilabadda şirniyyat sexi və ev yandı

Cəlilabad rayonu, Yusifli kəndində (rayon mərkəzindən 48 km aralı) vətəndaşa məxsus ümumi sahəsi 126 kv.m olan birmərtəbəli 2 otaq və aynabənddən ibarət evin yanar konstruksiyaları yanıb. Lent.az-ın Fövqəladə Hallar Nazirliyinin saytına istinadən xəbərinə görə, evə bitişik ümumi sahəsi 40 kv.m olan köməkçi tikili yanğından mühafizə olunub. Yanğın saat 03:40-da yanğınsöndürənlər tərəfindən söndürülüb.

Cəlilabadda həmçinin vətəndaşa məxsus ümumi sahəsi 132 kv.m olan şirniyyat sexinin dam örtüyünün yanar konstruksiyaları 6 kv.m sahədə yanıb. Sexin qalan hissəsi və bitişik digər obyektlər yanğından mühafizə olunub. Yanğın saat 04:06-da yanğınsöndürənlər tərəfindən söndürülüb.