Benqazidə xəstəxanada partlayış: 15 nəfər həlak olub

Liviyanın Benqazi şəhərində «Cala» xəstəxanası yaxınlığında partlayıcı qurğunun işə düşməsi nəticəsində partlayış baş verib.

Lent.az-ın xarici informasiya vasitələrinə istinadən məlumatına görə, qanlı olay nəticəsində 15 nəfər həyatını itirib.

Yerli KİV həlak olanlar arasında qadın və uşaqların olduğunu bildirib.

Ölkə daxili işlər naziri vəzifəsini icra edən Abdulla Məsud 30 nəfərin yaralandığı haqda açıqlama verib. Onun sözlərinə əsasən, partlayışın dalğası yaxınlıqdakı restoran və bainalar zədələyib.

Benqazi Liviyanın keçmiş lideri Müəmmər Qəddafiyə qarşı etiraz aksiyaların başlayan ilk şəhər olub. Son iki ildə bu şəhərdə təhlükəsizlik xidməti əməkdaşlarına və qərb dövlətləri nümayəndəliklərinin təmsilçilərinə bir neçə dəfə basqın edilib.