Bakının mərkəzində qəza törədən qadın qaçdı

Bakıda piyadanı vuran qadın hadisə yerindən qaçıb. Lent.az Daxili İşlər Nazirliyinə istinadən xəbər verir ki, mayın 15-də saat 15 radələrində Nərimanov rayonunun F.X.Xoyski küçəsində müəyyən edilməmiş avtomobillə yolu keçən Bakı şəhər sakini Lətafət İbrahimova vurulub. L.İbrahimovaya xəstəxanada ilkin tibbi yardım göstərildikdən sonra buraxılıb.

Nərimanov RPİ 16-cı PB əməkdaşları tərəfindən hadisənin “Hyundai” markalı avtomobilin sürücüsü, Bakı şəhər sakini Rəna Osmanova tərəfindən törədilməsi müəyyən edilib.

Araşdırma aparılır.