Bakıda maşın oğurluğu ilə məşğul olan şəxs tutulub. Lent.az Daxili İşlər Nazirliyinin mətbuat xidmətinə istinadən xəbər verir ki, iyunun 29-da Sabunçu rayonu ərazisindən qaçırılmış Rza Əhmədova məxsus “VAZ-2107” markalı avtomobil üzərində Bakı şəhər sakini Elxan Abbasova məxsus “QAZ-31” markalı avtomobilə aid dövlət qeydiyyat nişanları olan vəziyyətdə Buzovna qəsəbəsi ərazisində Xəzər RPİ 2-ci PB əməkdaşları tərəfindən saxlanılıb. Sürücü, paytaxt sakini Zakir Mustafayevlə birgə PB-yə gətirilib.
Avtomobilə baxış zamanı “VAZ-2107” markalı avtomobilə məxsus dövlət qeydiyyat nişanları yük yerində aşkar edilərək götürülüb.
Z.Mustafayev izahatında “QAZ-31” markalı avtomobilə aid dövlət qeydiyyat nişanlarını Maştağa qəsəbəsi ərazisindən tapmasını bildirib.
Ətrafında aparılmış əməliyyat tədbirləri ilə onun cari il yanvarın 24-də Yalçın Şükürova məxsus “VAZ-2107” markalı avtomobili qaçırması da müəyyən edilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
