Bakıda binada yanğın baş verib

Bakıda çoxmərtəbəli binada yanğın baş verib. Lent.az-ın Fövqəladə Hallar Nazirliyinin (FHN) saytına istinadən verdiyi xəbərə görə, yanğın paytaxtın Nizami rayonunda çoxmərtəbəli binada baş verib. Nəticədə şaxtadan keçən elektrik kabelləri və dəhlizin tavanından gedən kabellər ümumi 60 p.m yanıb. Binada yerləşən otaqlar yanğından mühafizə olunub. Yanğın saat 00:45-də yanğınsöndürənlər tərəfindən söndürülüb.