Bakıda avtomobil təmiri sexi yandı

Bakıda yanğın hadisəsi qeydə alınıb.

Lent.az-ın Fövqəladə Hallar Nazirliyinin (FHN) saytına istinadən verdiyi xəbərə görə, Bakı şəhəri, Xətai rayonunda avtomobil təmiri sexində təmirə dayanmış “Mercedes“ markalı minik avtomobili yanıb və yaxınlıqda dayanmış dövlət qeydiyyat nişanı məlum olmayan “Hyundai" markalı minik avtomobilinin arxa hissəsi əriyib.

Avtomobilin qalan hissəsi və təmir sexində dayanmış digər avtomobillər yanğından mühafizə olunub. Yanğın yanğınsöndürənlər tərəfindən söndürülüb.