Bakıda avtobus yandı

Ötən gün axşam saatlarında respublika ərazisində iki yanğın hadisəsi qeydə alınıb. Lent.az-ın Fövqəladə Hallar Nazirliyinin (FHN) saytına istinadən verdiyi xəbərə görə, Bakının Yasamal rayonunda “İVECO” markalı avtobusun mühərrikində elektrik avadanlıqları və salonunda iki arxa oturacağı yanıb. Avtobusun qalan hissələri yanğından mühafizə olunub.

Qusar rayonu, Qoxuroba kəndində vətəndaşa məxsus yük avtomobilinin yanar hissələri, banına yığılmış 3 ton ot bağlaması və yaxınlıqda yığılmış digər vətəndaşa məxsus 3,8 ton ot bağlaması yanıb. Yaxınlıqdakı tikililər yanğından mühafizə olunub.