Bakı Şəhər Baş Polis İdarəsi dünən Yasamal rayonunda baş vermiş yol qəzası ilə bağlı məlumat yayıb. Baş İdarədən Lent.az-a verilən məlumata görə, sentyabrın 16-sı saat 05:50 radələrində Yasamal rayonu, Yeni Dairəvi yolda 1955-ci il təvəllüdlü Dilavər Əliyev idarə etdiyi «VAZ-2107» markalı avtomobili maneəyə vurub. Nəticədə sürücü, sərnişinləri - 1957-ci il təvəllüdlü Zərifə Əliyeva və 1964-cü il təvəllüdlü Ceyran Rüstəmova xəsarətlə xəstəxanaya daxil olublar. Vəziyyəti ağır olan C.Rüstəmova xəstəxanada ölüb.
*******
16 sentyabr-10:39
Bakıda ağır yol qəzası baş verib. Lent.az-ın Fövqəladə Hallar Nazirliyinin saytına istinadən verdiyi məlumata görə, “112” qaynar telefon xəttinə Yasamal rayonunda “VAZ 2107” markalı minik avtomobilin metal çəpərə çırpılması barədə məlumat daxil olub.
Fövqəladə Hallar Nazirliyinin müvafiq xilasetmə qüvvələri dərhal hadisə yerinə cəlb olunub. Məlum olub ki, minik avtomobili deformasiyaya uğrayıb və 2 sərnişin sıxılmış vəziyyətdə qalıb. Xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə yaralıları deformasiyaya uğramış nəqliyyat vasitəsindən çıxarmış və aidiyyəti üzrə təhvil verib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
