Bakıda 3 yol qəzası baş verib

Ağstafada ölümlə nəticələnən yol-nəqliyyat hadisəsi baş verib. Lent.az-ın Daxili İşlər Nazirliyinin saytına istinadən məlumatına görə, avqustun 17-də saat 1 radələrində şəhər rayon sakini Vüqar Muradov idarə etdiyi “ZİL-133” markalı avtomobillə yolu keçən həmyerlisi Seyidağa Qasımovu vurub. Piyada hadisə yerində ölüb.

Daha bir yol-nəqliyyat hadisə Xızı rayonunda da baş verib. Avqustun 16-da saat 22 radələrində Xızı rayonunun Şuraabad qəsəbəsində Abşeron rayon sakini Mais Pirəliyev idarə etdiyi “VAZ-21099” markalı avtomobili yol ayırıcısına vurub. Nəticədə M. Pirəliyevin sərnişini - həmyerlisi Rövşən Novruzov hadisə yerindəcə ölüb.

Həmçinin, avqustun 16-da saat 01 radələrində Binəqədi rayonu ərazisində Ağsu rayon sakini Seymur Həmidov idarə etdiyi “Hyundai” markalı avtomobillə yolun kənarında dayanmış Bakı şəhər sakini İntiqam Xankişiyevə məxsus “Reno” markalı avtomobili və İmişli rayon sakini Adəm İbrahimovu vurub. Nəticədə A. İbrahimov və S. Həmidov xəstəxanaya yerləşdirilmiş, A. İbrahimov orada ölüb.

Hər üç fakt üzrə Baş İstintaq və Təhqiqat İdarəsi tərəfindən araşdırma aparılır.