Bu gün Bakı-Quba-Rusiya sərhədi magistralında yol qəzası baş verib. Hadisə şahidlərinin Lent.az-a verdiyi məlumata görə, yolun Şabran rayonu ərazisindən keçən hissəsində “Qaz 53” markalı yük maşını minik avtomobili ilə toqquşub. Qəzaya uğrayan yük maşınını yolun hərəkət hissəsindən kənarlaşdırmaq üçün əraziyə kran gətirilib. Bu səbəbdən magistral yolun Quba istiqamətindəki hərəkət zolağı təxminən yarım saat bağlı qalıb.
Baş Dövlət yol polisi İdarəsindən Lent.az-a bildirilib ki, hadisə vaxtı “Qaz 53” ilə “Mercedes” markalı minik avtomobili toqquşub. Ölən və ya xəsarət alan olmayıb. Faktla əlaqədar araşdırmalar aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
