Azərbaycanlı merin qətlini sifariş verənlər tutuldu

Ukrayna Daxili İşlər Nazirliyinin əməkdaşları Kremençuq şəhərinin meri Oleq Babayevin qətlini sifariş etməkdə şübhəli bilinən şəxsi saxlayıblar.

APA-nın “korrespondent.net” saytına istinadən verdiyi məlumata görə, bunu Ukraynanın daxili işlər naziri Arsen Avakov bildirib.

Nazir deyib ki, Kremençuq merinin qətlinin ehtimal olunan sifarişçisi və icraçıları barədə həbs-qətimkan tədbiri seçilib: “Yalnız icraçılar yox, həm də bu cinayətin sifarişçisi saxlanılıb. Hazırda təhqiqat gedir, onların hamısı barəsində məhkəmə həbs-qətimkan tədbiri seçib”.

DİN rəhbəri qeyd edib ki, O. Babayevin qətlinə görə sifarişçi şəxs icraçılara 70 min ABŞ dolları ödəyib. Saxlanılan şəxslərdən heç birinin adı açıqlanmayıb.