Azərbaycanda restoran yanıb

Qazax şəhərində restoran yanıb. Lent.az-ın Fövqəladə Hallar Nazirliyinin saytına istinadən verdiyi məlumata görə, vətəndaşa məxsus ümumi sahəsi 250 kv.m olan birmərtəbəli restoranın ərazisində sahəsi 16 kv.m olan tikilinin dam örtüyünün yanar konstruksiyaları 15 kv.m sahədə yanıb. Tikilinin qalan hissəsi və yaxınlıqdakı obyektlər yanğından mühafizə olunub. Yanğın saat 12:10-da söndürülüb.

Hadisənin səbəbi araşdırılır.