Azərbaycan və Türkiyə helikopterləri döyüş uçuşları keçirib

Azərbaycan və Türkiyə Hərbi Hava Qüvvələrinin birgə təlimləri davam edir. Lent.az-ın Müdafiə Nazirliyinin mətbuat xidmətinə istinadən verdiyi xəbərə görə, birgə təlimlərin növbəti mərhələsində hərbi helikopterlər döyüş uçuşları keçiriblər. Müxtəlif manevrlər yerinə yetirən pilotlar şərti döyüş imitasiya olunmaqla quru qoşunlarına dəstək vermək məqsədilə yer hədəflərinə helikopterlərdən atışlar icra ediblər.