Goranboyda ağır qəza: 1 ölü, 1 yaralı

İyulun 14-də saat 23 radələrində Goranboy rayonunun Dəliməmmədli kəndində, kənd sakini Aslan İbrahimov idarə etdiyi “VAZ-2106” markalı avtomobili yolun kənarında dayanmış həmyerlisi Nadir Muradova məxsus “MAN” markalı avtomobilə vurub. Lent.az-ın Daxili İşlər Nazirliyin saytına istinadən verdiyi məlumata görə, nəticədə A.İbrahimov və sərnişini, rayon sakini Yeganə İsmayılova xəstəxanaya yerləşdirilmiş və sürücü orada dünyasını dəyişib. Faktla bağlı Goranboy RPŞ tərəfindən araşdırma aparılır.