Astaradakı dəhşətli qəza ilə bağlı RƏSMİ MƏLUMAT

Daxili İşlər Nazirliyi Astarada baş vermiş ağır yol-nəqliyyat hadisəsi ilə bağlı məlumat yayıb. Lent.az-ın DİN-in saytına istinadən məlumatına görə, mayın 13-də Astara rayonunun Çayoba kəndində Xaçmaz rayon sakini Vüsal Xudaverdiyevin idarə etdiyi “KamAZ” və Astara rayon sakini Qalib Əliyevin idarə etdiyi “Mercedes-Benz” markalı (mikroavtobus) avtomobillər toqquşub, hər iki avtomobil aşıb, V. Xudaverdiyev hadisə yerindən qaçıb.

Nəticədə Q. Əliyevin sərnişinlərindən rayon sakinləri Yeganə Əliyeva və Ramil Quliyev hadisə yerində ölüb, digər 9 sərnişini xəstəxanaya yerləşdiriliblər. Onlara ilkin tibbi yardım göstərildikdən sonra buraxılıb.

Astara RPŞ əməkdaşlarının həyata keçirdikləri əməliyyat-axtarış tədbirləri nəticəsində V. Xudaverdiyev tutulub.

Araşdırma aparılır.