Astarada yol-nəqliyyat qəzası baş verib. Astara Rayon Polis Şöbəsindən (RPŞ) APA-nın Cənub bürosuna verilən məlumata görə, hadisə yanvarın 28-də saat 19.30 radələrində Ələt – Astara magistralının 219-cu kilometrliyində - rayonun Telman kəndi ərazisində qeydə alınıb. Lənkəran rayon sakini, 19 yaşlı İsmayıl Baxşıyevin idarə etdiyi “VAZ -21015 “ markalı avtomaşın Lənkəran rayonu istiqamətində hərəkətdə olarkən, Astara rayonu istiqamətində hərəkətdə olan Masallı rayon sakini, 34 yaşlı Yadigar Cəlilovun idarə etdiyi “Chevrolet Avea” markalı avtomaşınla toqquşub. Güclü zərbə nəticəsində müxtəlif dərəcəli bədən xəsarətləri alan “VAZ-21015”-in sürücüsü Lənkəran Müalicə Diaqnostika Mərkəzinə yerləşdirilib.
Faktla bağlı Astara RPŞ-də araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
