Arif Quliyev: “Nə bəla gəlir, mənim başıma gəlir” - YENİLƏNİB

Məsələ ilə bağlı xalq artisti Arif Quliyevlə əlaqə saxladıq. O, Lent.az-a çox üzgün olduğunu söylədi. “Mənim oğlum 2-ci qrup əlildir. İndi də yazığın maşının oğurladılar. Hadisə şənbə günü baş verib. Birdə gördük ki, maşın yoxdur. Biz də öz növbəmizdə polisə müraciət elədik. Onlar da axtarırlar? Nə bəla gəlir, mənim başıma gəlir.

***

Azərbaycanın xalq artisti, tanınmış gülüş ustası Arif Quliyevin oğlu Rövşən Quliyevin avtomobili oğurlanıb. Lent.az-ın məlumatına görə, bu barədə aktyorun özü anspress-ə bildirib: “Oğlumun “VAZ-21015” markalı 99 GB 811 dövlət nömrə nişanlı avtomobili oğurlanıb. Maşın evin yaxınlığından gecə saatlarında yoxa çıxıb. Oğlum maşını kreditlə almışdı”.

Arif Quliyev oğurluq barədə Yasamal rayon Polis İdarəsinin 26-cı polis bölməsinə müraciət etdiklərini bildirib: “Polisə demişik. Belədir də, nə gəlir, elə kasıbın başına gəlir”.