Ağır qəzaya düşən qadın 3 gün yaşadı

Yol-nəqliyyat hadisəsi zamanı xəsarət almış qadın xəstəxanada ölüb. Lent.az Daxili İşlər Nazirliyinin mətbuat xidmətinə istinadən xəbər verir ki, mayın 19-da Abşeron rayonu ərazisində Sumqayıt şəhər sakini Məhəmməd Qafarovun idarə etdiyi “Ford” və Bakı şəhər sakini Fariz Məmmədovun idarə etdiyi “Mercedes” markalı avtomobillər toqquşub. Nəticədə M.Qafarovun 2 sərnişini xəstəxanaya yerləşdirilib. Onlardan Almaz Novruzova mayın 22-də orada ölüb.

Baş İstintaq və Təhqiqat İdarəsi tərəfindən araşdırma aparılır.