Ağdaşda velosiped sürən 8-ci sinif şagirdini maşın vurub

Ağdaş rayonunda ölümlə nəticələnən avtomobil qəzası baş verib

Lent.az-ın APA-ya istinadən verdiyi xəbərə görə, hadisə bu gün axşam saat 17:30 radələrində Ləki-Xınaxlı avtomobil yolunun 8-ci kilometrliyində, Adab kəndi ərazisində qeydə alınıb. Rayonun Ağzıbir kənd sakini 1986-cı il təvəllüdlü Ədilov Mahir İbeydə oğlu idarə etdiyi 99-BF-932 dövlət nömrə nişanlı “Mersedes” markalı minik maşını ilə hərəkətdə olarkən yolu velosipedlə keçən Abad kənd sakini 2001-ci il təvəllüdlü Abdulkərimov Rəmzi Əfqan oğlunu vurub. Abad kənd orta məktəbinin 8-ci sinif şagirdi Rəmzi Abdulkərimov aldığı ağır xəsarətlər səbəbindən hadisə yerində dünyasını dəyişib.

Hadisəni törədən sürücü saxlanılaraq istintaqa təhvil verilib. Faktla bağlı Ağdaş rayon Polis Şöbəsi tərəfindən araşdırma aparılır.