Azərbaycanda daha bir dəhşətli qəza: 4 ölü - YENİLƏNİB

Ağcabədi rayonunda baş verən dəhşətli qəzada 4 nəfər ölüb, 2 nəfər ağır yaralanıb.

Lent.az-ın qafqazinfo-ya istinadən məlumatına görə, rayonun Təzəkənd kəndində VAZ 21011 markalı maşınla VAZ 2109 markalı maşın toqquşub. Qəza nəticəsində VAZ 21011 maşınında olan Babayev Vüqar Fərhad oğlu, Eminov Rüfət İsrail oğlu, Quliyev Bəhruz Lazım oğlu və Əzizov Rəfail Adil oğlu həlak olub, Salmanov Əvəzxan Qədir oğlu isə ağır yaralanıb.

VAZ 2109 markalı maşının sürücüsü Əzizov Şəmistan Aydın oğlu da ağır bədən xəsarətləri ilə Ağcabədi rayon Mərkəzi Xəstəxanasına yerləşdirilib.

6:14

*****

6:14

APA-nın Fövqəladə Hallar Nazirliyinin (FHN) saytına istinadən verdiyi xəbərə görə, dərhal nazirliyin müvafiq xilasetmə qüvvələri hadisə yerinə cəlb olunub.

Hadisə yerində əməliyyat şəraiti qiymətləndirilərkən məlum olub ki, "VAZ" markalı minik avtomobilində olan 3 nəfər sərnişin ağır bədən xəsarətlərindən hadisə yerində vəfat etmişlər.

Yanğınsöndürən-xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə deformasiyaya uğramış avtomobildən 3 nəfərin cəsədlərini çıxararaq aidiyyəti üzrə təhvil veriblər. Əməliyyat saat 02:44-də başa çatıb.