"Yerli futbolçularımızın hər biri milliyə layiqdir "
02 noyabr 2013 23:42 (UTC +04:00)

"Yerli futbolçularımızın hər biri milliyə layiqdir "

“Komandam bu gün yaxşı oynadı. Meydanda səhvlərimiz oldu, qol buraxdığımız üçün təəssüflənirəm”. Apasport.az saytının məlumatına görə, bu sözləri “Neftçi” klubunun baş məşqçisi Nazim Süleymanov deyib.


Təcrübəli mütəxəssis Topaz Premyer Liqasının XII turunun “Xəzər Lənkəran”la ev oyunundakı 4:1 hesablı qələbəyə şərh verib: “İlk qələbəmi “Xəzər Lənkəran” üzərində qazandığım üçün şadam. Premyer Liqa uzun marafon kimidir, çalışacağıq ki, qarşıdakı oyunlarda da xallar toplayaq və finişdə yaxşı nəticə göstərək. “Xəzər Lənkəran” çempionatımızın yaxşı komandalarından biridir, onlarda uşaq yoxdur. Mən öz komandamın futbolçularına cavabdehəm. Cavid İmamverdiyevdən daha yaxşı, daha gözəl oyun gözləyirəm, lakin bu gün ondan istədiyimi ala bilmədim. Yerli futbolçularımızın hər biri milli komandaya layiqdir. Bunu meydançada sübut etmək lazımdır”.

# 552
avatar

Oxşar yazılar