"İstəmirdim qızı başqasına versinlər" - Oğurluq qızılla özünə nişan etdi

Bakı sakini Vüsal Xankişiyev nişanından bir gün sonra Sabunçu rayon Polis İdarəsinin əməkdaşları tərəfindən saxlanılıb.

Lent.az-ın Region TV-ə istinadən məlumatına görə, səbəb onun yaxın tanışının evindən qızıl zinət əşyalarını oğurlaması olub.

Araşdırma zamanı məlum olub ki, sözügedən şəxs oğurladığı qızılları lombarda qoyaraq, pul götürüb və elə nişan məclisini də həmin pulla Nərimanov rayonundakı restoranlardan birində təşkil edib. Amma Vüsalın xoşbəxtçiliyi cəmi bir gün çəkib.

Saxlanılan Vüsal Xankişiyev ifadəsində əməlindən olduqca peşman olduğunu bildirib: “Pulum yox idi də. İstəmirdim qızı başqasına versinlər. Tutduğum əməldən də çox peşmanam. Hədsiz dərəcədə peşmanam. Evdəkilərin hamısından üzr istəyirəm. Bağışlasınlar. Əsas da Mahirə”.

Qeyd edək ki, Vüsal Xankişiyev əvvəllər oğurluq maddəsi 6 il məhkumluq həyatı yaşayıb. Ötən il azadlığa çıxan şəxsin digər cinayətlərdə iştirak edib-etmədiyi araşdırılır.