21 may 2019 15:39 (UTC +04:00)

“Arsenal” Bakı səfəri öncəsi açıq məşqə çıxıb - FOTOLENT

İngiltərənin “Arsenal” klubu Avropa Liqasının Bakıda keçiriləcək final oyununa hazırlığı davam etdirir.

ONA-nın London bürosunun verdiyi xəbərə görə, paytaxt təmsilçisi bu gün mətbuat üçün açıq məşq keçirib.

Hazırlıq prosesi “London Colney” təlim-məşq bazasında gerçəkləşib. Məşq bir saat davam edib.

Bakı vaxtı ilə saat 17:30 da isə “topçular”ın baş məşqçisi Unay Emeri mətbuat konfransında jurnalistlərin suallarını cavablandıracaq.

“Arsenal”ın mayın 29-da keçiriləcək finaldakı rəqibi “Çelsi” təlim-məşq bazasının qapılarını mayın 22-də media nümayəndələrinin üzünə açacaq.

Qeyd edək ki, mayın 29-da Bakı Olimpiya Stadionunda “Arsenal” və “Çelsi” arasında keçiriləcək Avropa Liqasının final matçı saat 23:00-da başlayacaq.

1814