![[b]Üç yaşlı uşaq üzərinə manqalın aşması nəticəsində öldü [/b]](https://lent.az/site/assets/images/breaking-news/lentaz.png)
Hacıqabulda üç yaşlı uşaq bədbəxt hadisə nəticəsində ölüb.
APA-nın Mil-Muğan bürosunun məlumatına görə, Hacıqabul rayonu Rəncbər kənd sakini 2013-cü il təvəllüdlü Qafarov Yusif Kamil oğlu üzərinə manqalın aşması nəticəsində ağır xəsarətlər alıb. Qara ciyərin və mədəaltı vəzinin əzilməsi, daxili qanaxma, kəllə-beyin travması və 4-cü dərəcəli postravmatik şok diaqnozu ilə ötən gün saat 5-6 radələrində Şirvan rayon Mərkəzi Xəstəxanasına daxil olan Y. Qafarov təcili əməliyyat olunaraq reanimasiya şöbəsinə yerləşdirilib, lakin onu xilas etmək mümkün olmayıb. O, bu gün saat 4 radələrində dünyasını dəyişib.
Meyit müayinə olunması üçün Məhkəmə Tibbi Ekspertiza və Patoloji Anatomiya Birliyinin Hacıqabul rayon şöbəsinə göndərilib.
Faktla bağlı hüquq-mühafizə orqanları tərəfindən araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
