![[b]Şəkidə meşə yanğını baş verib[/b]](https://lent.az/site/assets/images/breaking-news/lentaz.png)
Şəki Meşə Mühafizəsi və Bərpası Müəssisəsinin Küncüt meşəbəyiliyinin 2 saylı dolayının tinglik ərazisində yanğın baş verib.
Bu barədə APA-ya Ekologiya və Təbii Sərvətlər Nazirliyinin (ETSN) mətbuat xidmətinin rəhbəri İradə İbrahimova bildirib. Yanğının söndürülməsi üçün hadisə yerinə dərhal ETSN və FHN-in yerli qurumlarının əməkdaşları cəlb edilib.
İ.İbrahimovanın sözlərinə görə, bələdiyyə torpaqlarında açıq sahədə baş verən yanğın güclü külək nəticəsində sonradan meşə ərazisinə keçib. Alov kolluq ərazini əhatə edib.
Hazırda yanğının söndürülməsi istiqamətində operativ tədbirlər görülür.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
