[b]Piyadanı vurub hadisə yerindən qaçan sürücü saxlanıldı - YENİLƏNİB[/b]

Aprelin 10-da saat 23 radələrində Şəki şəhərinin M.Ə.Rəsulzadə prospektində naməlum avtomobil yolu keçən şəhər sakini Oqtay Abdurəhimovu vurmuş və nəticədə piyada aldığı bədən xəsarətlərindən hadisə yerində ölüb.

Faktla əlaqədar Şəki Şəhər Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində həmin hadisəni törədən şəxsin Şəki rayonunda məskunlaşmış Laçın rayon sakini Təvəkkül Qasımov olduğu müəyyən olunub. Belə ki, onun dünən axşam saatlarında idarə etdiyi “VAZ 2170 “ markalı avtomobillə piyada O.Abdurəhimovu vurub hadisə yerindən uzaqlaşdığı məlum olub.

T.Qasımov saxlanılaraq idarə etdiyi avtomobillə birgə ŞRPŞ-nin İstintaq bölməsinə təhvil verilib.

Faktla bağlı araşdırma aparılır.

17:10

Şəki şəhərində yol-nəqliyyat hadisəsi baş verib.

Daxili İşlər Nazirliyinin mətbuat xidmətindən Lent.az-a verilən məlumata görə, hadisə aprelin 10-da saat 23:00 radələrində Şəki şəhərinin M.Ə.Rəsulzadə küçəsində müəyyən edilib. Məlumata görə, müəyyən edilməmiş avtomobillə yolu keçən şəhər sakini Oqtay Abdurəhimov vurulub və nəticədə piyada hadisə yerində ölüb.

Şəki ŞRPŞ tərəfindən araşdırma aparılır.