[b]Masallıda partlayış olub[/b]

Bu gün Masallı rayonunda partlayış olub. Lent.az Fövqəladə Hallar Nazirliyinin saytına istinadən xəbər verir ki, Ərkivan qəsəbəsində vətəndaşa məxsus fermanın ərazisində ümumi sahəsi 190 m2 olan süd qəbulu məntəqəsinin soyuducu kamerasında həcmi 60 litr olan freon qaz balonunda yanğınla nəticələnən partlayış baş verib. Nəticədə soyuducu kameranın lambirindən ibarət tavanı 15 m2 sahədə dağılıb və şüşələri sınıb. Yanğın zamanı ərazidə yerləşən ümumi sahəsi 144 m2 olan talvarın yanar konstruksiyaları və altına yığılmış 36 ton ot bağlamasının 15 tonu yanıb. Ot bağlamasının qalan hissəsi və ferma yanğından mühafizə olunub. Yanğın saat 14:47-də yanğınsöndürənlər tərəfindən söndürülüb.