İmişli rayonunda yol qəzası baş verib.
APA-nın Mil-Muğan bürosunun verdiyi məlumata görə, hadisə Qaradonlu kəndi ərazisində qeydə alınıb.
“VAZ 2106” və “Mercedes” markalı avtomobillərin toqquşması nəticəsində 1984-cü il təvəllüdlü Zeynalov Emil Əli oğlu, 1974-cü il təvəllüdlü Manafova Fatimə və 1988-ci il təvəllüdlü Əbilov Rəvan Əbil oğlu müxtəlif dərəcəli xəsarət alıblar. Yaralılar İmişli Rayon Mərkəzi Xəstəxanasına yerləşdiriliblər. Vəziyyətlərinin orta-ağır olduğu bildirilir.
Faktla bağlı hüquq mühafizə orqanları tərəfindən araşdırma aparılır.