Sumqayıtdakı «Karvan» Ticarət Mərkəzində baş verən yanğın söndürüldükdən sonra fövqəladə hallar nazirinin müavini Etibar Mirzəyev açıqlama verib.
Lent.az-ın müxbirinin verdiyi məlumata görə, nazir müavini deyib ki, saat 19.26 hadisə barəsində quruma məlumat daxil olub: «Həmin vaxt yanğınsöndürənlər briqadası olay yerinə çıxıb. 4 saat davam edən yanğın 2 və 3-cü mərtəbələrdə baş verib. Ticarət mərkəzində 6 min kv.metr sahə yanıb».
Müavinin sözlərinə əsasən, yanğın söndürülərkən, qurumun bir əməkdaşı tüstüdən zəhərlənib və hazırda onun səhhəti qaydasındadır: «Mülkü şəxslər arasında xəsarət alan yoxdur. Olay yerinə 300-dən artıq texnika və mindən çox canlı qüvvə cəlb edilib. Yanğının baş verməsi səbəbi araşdırılır. Əlavə məlumat veriləcək».
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
