“Azadlıq” meydanında hərəkət tam bərpa olunub
19 mart 2013 10:21 (UTC +04:00)

“Azadlıq” meydanında hərəkət tam bərpa olunub

 

Bakının ən böyük və mərkəzi meydanı olan “Azadlıq” meydanının altında yeraltı dayanacaq tikintisi davam etdirilir. Lent.az-ın məlumatına görə, “Neftçilər” prospektində yerləşən meydanın hasara alınmış hissəsində tikinti işlərindən sonra yeni asfalt döşənib və martın 19-na keçən gecə prospektin bu hissəsi də sürücülərin istifadəsinə verilib. Bu gün səhər saatlarından etibarən sürücülər yeni asfaltlanmış və xətlənmiş 4 zolaqlı yoldan istifadə edə bilirlər.

 

Bakı şəhər Dövlət Yol Polisi İdarəsindən Lent.az-a bildirilib ki, yeraltı dayanacağa giriş-çıxışların tikintisi ilə əlaqədar olaraq Puşkin küçəsi hələ bir müddət daha bağlı qalacaq.

 

Qeyd edək ki, “Azadlıq” meydanı altında 2 mərtəbəli dayanacaq tikilir. Yeni avtodayanacaqların hesabına “Neftçilər” prospektində və ətraf ərazilərdə nəqliyyat sıxlığının nisbətən aradan qaldırılacağı gözlənilir.  

# 951
avatar

Nizam Rza

Oxşar yazılar