7 nəfər ölümdən döndü

Fövqəladə Hallar Nazirliyinin Bakı şəhəri, Xəzər rayonunda 4 nəfər dənizdə çimərkən batmaq təhlükəsi ilə üzləşib.

Lent.az FHN-nin saytına istinadən bildirir ki, dərhal Nazirliyin Dövlət Sularda Xilasetmə Xidmətinin xilasediciləri hadisə yerinə cəlb olunaraq vətəndaşları sudan çıxarıb və aidiyyati üzrə təhvil veriblər. Əməliyyat saat 14:16-da başa çatıb.

Bundan başqa, Sabunçu rayonunda 1 nəfərin dənizdə çimərkən batmaq təhlükəsi ilə üzləşməsi barədə məlumat qeydə alınıb. Hadisə yerinə cəlb edilən xilasedicilər vətəndaşı sudan çıxararaq aidiyyati üzrə təhvil veriblər. Əməliyyat saat 14:20-də başa çatıb.

Həmçinin, Xəzər rayonunda dənizdə çimərkən batmaq təhlükəsi ilə üzləşən daha 2 nəfər də sudan çıxarılaraq aidiyyati üzrə təhvil veriliblər. Əməliyyat saat 14:20-də başa çatıb.