3 baş iri buynuzlu heyvan yanaraq tələf oldu

Ağcabədidə yanğın hadisəsi qeydə alınıb. Lent.az-ın Fövqəladə Hallar Nazirliyinin (FHN) saytına istinadən verdiyi xəbərə görə, yanğın rayonun Pərioğlular kəndində vətəndaşa məxsus ümumi sahəsi 80 kv.m olan tövlədə baş verib. Nəticədə tövlənin dam örtüyünün yanar konstruksiyaları 20 kv.m sahədə və bitişik ümumi sahəsi 40 kv.m olan talvar yanıb. Yanğın zamanı talvarın altında olan 3 baş iri buynuzlu heyvan tələf olub. Tövlənin qalan hissəsi yanğından muhafizə olunub.