200 kvadrat metrlik ev yandı

Bu gün Sabirabad rayonunda ev yanıb. Lent.az Fövqəladə Hallar Nazirliyinin saytına istinadən xəbər verir ki, Yolçubəyli kəndində (rayon mərkəzindən 18 km aralı) vətəndaşa məxsus ümumi sahəsi 200 kv.m olan kürsülü 3 otaqlı evin qamışdan ibarət tavanı 130 kv.m sahədə yanıb. Evin qalan hissəsi və yaxınlıqdakı tikililər yanğından mühafizə olunub. Yanğın saat 07-35-də yanğınsöndürənlər tərəfindən söndürülüb.

Araşdırma aparılır.