Ordubadda beton tökən qurğu kişini öldürdü

Ordubadda kişi bədbəxt hadisə nəticəsində ölüb.

Baş Prokurorluqdan Lent.az-a verilən məlumata görə, avqustun 26-da 43 yaşlı İlham Hüseynov Ordubad rayonunun Vənənd kəndində iaşə obyektinin tikintisi zamanı beton tökən qurğunun başlığının ona dəyməsi nəticəsində vəfat edib.

Faktla bağlı Ordubad rayon prokurorluğunda araşdırma aparılır.

Hadisənin baş vermə səbəbi tam, hərtərəfli və obyektiv araşdırılmaqla nəticəsi barədə müvafiq qərarın qəbul edilməsi təmin olunacaq.