Molla rejimi azərbaycanlı anaya 11 il həbs, 84 şallaq cəzası verdi
15 fevral 2023 16:57 (UTC +04:00)

Molla rejimi azərbaycanlı anaya 11 il həbs, 84 şallaq cəzası verdi

İranın Ərak şəhərində yaşayan azərbaycanlı fəal Mina Yəqubi 11 il həbs, 84 şallaq zərbəsi və iki il sürgün cəzasına məhkum edilib.

Lent.az “Mouze” teleqram kanalına istinadən xəbər verir ki, bu barədə Mina Yəqubi özünün sosial media hesabında paylaşım edib.

Bədən tərbiyəsi müəllimi olan Mina Yəqubi, etiraz aksiyalarında iştirak etdiyinə görə həbs edilib. O, 2022-ci il oktyabrın sonlarında girov qarşılığında müvəqqəti olaraq məhkəməyə qədər sərbəst buraxılıb.

Yəqubi sosial media hesabında etdiyi paylaşımda günahsız olduğu üçün əfv barədə ərizə yazmaq fikrində olmadığını, təcridxanada olduğu müddətdə gündəlik 12 saat təzyiqlərə məruz qalaraq dindirildiyini yazıb.

Azyaşlı qız uşağının anası olan 23 yaşlı Mina Yəqubi təcridxanada işgəncə edildiyi üçün buraxıldıqdan sonra uzun müddət xəstəxanada müalicə olunub.

Xanım fəal təcridxanadan buraxıldıqdan sonra ağır döyüldüyünü göstərən fotolarını paylaşıb.

# 1533
avatar

Oxşar yazılar