Rusiya Arbitraj Məhkəməsinin hakimi Svetlana Prokopçuk Rostov-na-Donu şəhərinin mərkəzində yanğın zamanı dünyasını dəyişib.
Lent.az yerli KİV-ə istinadla bildirir ki, yanğın yanvarın 27-nə keçən gecə Şaumyan küçəsindəki 30 saylı evdə baş verib.
“Hadisə gecə saat 3-də baş verib və yalnız onun mənzili yanıb. Həmkarlarım və mən bunun sadəcə yanğın olduğuna şübhə edirik. Üstəlik, onun böyük iti olub, o da mənzildə tapılmayıb”, - deyə mərhumun həmkarı jurnalistlərə bildirib.
Eyni zamanda, müstəntiqlər hələ də hakimin ölüm şəraitində cinayət izlərini görməyiblər.
41 yaşlı Prokopçukun həmkarları onun yaxşı və bacarıqlı işçi olduğunu söyləyiblər. Bir övladı olan qadın 2013-cü ildən regional Arbitraj Məhkəməsində işləyib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
