Kəlbəcər sakini Göygöldə intihar etdi - YENİLƏNİB

Göygöldə meyiti tapılan şəxsin intihar etdiyi ehtimal edilir.

Daxili İşlər Nazirliyi mətbuat xidmətinin Gəncə regional qrupunun baş inspektoru polis kapitanı Eşqin Qasımov Lent.az-a bildirib ki, iyul ayının 17-də Kəlbəcər rayon Polis Şöbəsinə rayonun Çayqovuşan kənd sakini, 45 yaşlı İmaməddin Hümbətovun Göygöl rayonu ərazisində itkin düşməsi barədə məlumat daxil olub.

Kəlbəcər və Göygöl Rayon Polis Şöbələrinin əməkdaşlarının birgə keçirdikləri axtarış tədbirləri nəticəsində İ. Hümbətovun cəsədi Göygöl rayonu ərazisindəki göllərin birində aşkarlanıb.

Hadisə yerinə Prokurorluğun əməkdaşları cəlb olunub.

İlkin ehtimala görə mərhum intihar edib.

Faktla bağlı araşdırmalar davam etdirilir.

***

saat 16:58

Fövqəladə Hallar Nazirliyinin (FHN) "112" qaynar telefon xəttinə Göygöl rayonu, Ağdağ qəsəbəsində 1 nəfərin (kişi) göldə batması barədə məlumat daxil olub.

FHN-dən Lent.az-a verilən xəbərə görə, məlumatla əlaqədar, nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupunun dalğıc-xilasediciləri axtarışlara cəlb olunublar.